មុខសញ្ញាជួញដូរគ្រឿងញៀនម្នាក់ ត្រូវនគរបាលខណ្ឌពោធិ៍សែនជ័យឃាត់ខ្លួន
18-December-2018 | ដោយ ពលមនសិការ
ភ្នំពេញ៖ កម្លាំងផ្នែកសន្តិសុខនិងអន្តរាគមន៍និងផ្នែកជំនាញគ្រឿងញៀនខណ្ឌពោធិ៍សែនជ័យបានឃាត់ខ្លួនជនសង្ស័យម្នាក់ ពាក់ព័ន្ធករណីជួញដូរគ្រឿងញៀន។ ជនសង្ស័យត្រូវបានសមត្ថកិច្ចឃាត់ខ្លួនកាលពីថ្ងៃទី១៧ ខែធ្នូ ឆ្នាំ២០១៨ វេលាម៉ោង២៣និង៣០នាទី នៅផ្លូវបេតុង ភូមិជ្រែកោង សង្កាត់ចោមចៅទី២ ខណ្ឌពោធិ៍សែនជ័យ។
លោកវរសេនីយ៍ឯក យឹម សារ៉ាន់ អធិការនគរបាលខណ្ឌបានឲ្យដឹងថាជនសង្ស័យឈ្មោះ សម្បត្តិ បូរ៉ា ភេទប្រុស អាយុ៣១ឆ្នាំ មុខរបរ កម្មកររោងចក្រ។
វត្ថុតាងដកហូតៈ ក្រាបពណ៌សថ្លាចំនួន២កញ្ចប់ថង់តូច នៅក្នុងដៃ។ ក្រោយពេលឃាត់ជនសង្ស័យឈ្មោះ បានឆ្លើយសារភាពថានៅក្នុងបន្ទប់ជួលរបស់ខ្លួនក្បែរនេះរូបខ្លួនមានលាក់ទុកនៅថ្នាំញៀនមួយចំនួនទៀតពេលនោះសមត្ថកិច្ច បាននាំខ្លួនជនសង្ស័យទៅឆែកឆេរនៅក្នុងបន្ទប់បានរកឃើញក្រាបពណ៌សថ្លាចំនួន៦កញ្ចប់ធំល្មមថែមទៀត នៅក្នុងទូដាក់ខោអាវ ព្រមទាំងឧបករណ៍ជក់មួយចំនួននិងម៉ូតូចំនួន១គ្រឿងម៉ាក ហុងដា SL ពណ៌ទឹកប្រាក់ ស្លាកលេខ ភ្នំពេញ 1BJ-5287ដែលជារបស់ជនសង្ស័យ។
បច្ចុប្បន្នជនសង្ស័យឃាត់ខ្លួនបណ្តោះអាសន្ននៅអធិការដ្ឋានដើម្បីសាកសួរយកចម្លើយនិងបក្ខពួក និងកសាងសំណុំបញ្ជូនទៅសាលាដំបូងរាជធានីភ្នំពេញបន្តនីតិវិធី ៕
ចំនួនអ្នកទស្សនា
- ថ្ងៃនេះ11411
- ម្សិលមិញ11441
- សប្តាហ៍នេះ41241
- ខែនេះ156391
- ឆ្នាំនេះ156391
- សរុប20598847